Plantun de Prouvènço

Pèr coumpara dos planto d'encò nostre

Clinopodium alpinum & Nicotiana glauca

Clinopodium alpinum

Lamiaceae Labiaceae

Noms en français : Calament des Alpes, Sarriette des Alpes.

Descripcioun :
Basile, forço proche dóu pichot-basile que se rescontre en mountagno. A peréu uno gibo sus lou calice di proun pelous, la flour es uno pau mai vióuleto. Coume soun cousin sènt qu'embaumo.

Usanço :
Dèu agué li mémi prouprieta que lou pichot-basile emai n'en sachen pas mai.

Port : Erbo
Taio : Pancaro entresigna
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Clinopodium
Famiho : Lamiaceae
Famiho classico : Labiaceae

Coulour de la flour : Roso
Petalo : irreguliero
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Mountagno mejano - Roucaio - Prado umido
Estànci : Pancaro entresigna
Couroulougi : Pancaro entresigna
Ref. sc. : Clinopodium alpinum (L.) Kuntze, 1891

Taba(-verdau)

Nicotiana glauca

Solanaceae

Noms en français : Tabac arborescent, Tabac glauque.

Descripcioun :
Lou taba-verdau es un aubret que trachis au nostre dins li fendasclo di vièi paret e de roucas. Nous vèn d'Americo dóu miejour (Argentino) ounte se vèi fin qu'à 3 700 m d'auturo. Se recounèis à si fueio pourtado pèr un long pecou e verdalo coume la tijo peréu bluio, e tambèn bonodi si lòngui flour jauno en tube.

Usanço :
Emai aguèsson pas li mémi prouprieta qu'aquéli de Nicotiana tabacum, li fueio seco soun fumado pèr lou pople "Quechua" alor que li "Cahuilla" se n'en sèrvon en emplastre pèr garri li plago, li macaduro e li fleiroun, e pèr sougna lis enflige (edèmo). Mèfi de n'en pas manja li fueio, soun mourtalo ! La decoucioun de fueio, richo en nicoutino e anabasino (alcalouïde), pòu servi dins l'ort pèr tua li nieroun.